ന്യൂഡൽഹി : അടുത്ത സ്വാതന്ത്ര്യദിനത്തിനു മുൻപ് 75 സ്കൂളുകൾ സന്ദർശിക്കാൻ ടോക്കിയോ ഒളിംപിക്സിൽ പങ്കെടുത്ത അത്ലീറ്റുകളോടു പ്രധാനമന്ത്രി നരേന്ദ്ര മോദി ആഹ്വാനം ചെയ്തു. ഒളിംപ്യൻമാർക്കു തന്റെ വസതിയിൽ നൽകിയ സ്വീകരണത്തിലാണു മോദി ഇക്കാര്യം പറഞ്ഞത്.
ഒളിംപിക് സ്വർണമെഡൽ ജേതാവ് നീരജ് ചോപ്ര തന്റെ ജാവലിനും ബാഡ്മിന്റനിൽ വെങ്കലം നേടിയ പി.വി.സിന്ധു തന്റെ റാക്കറ്റും ബോക്സിങ്ങിൽ വെങ്കലം നേടിയ ലവ്ലിന ബോർഗോഹെയ്ൻ തന്റെ ബോക്സിങ് ഗ്ലൗവും ഹോക്കി പുരുഷ, വനിതാ ടീം അംഗങ്ങൾ ഒപ്പിട്ട ഹോക്കി സ്റ്റിക്കും പ്രധാനമന്ത്രിക്കു സമ്മാനിച്ചു.