കൊച്ചി: രണ്ട് ദിവസത്തെ കേരള സന്ദര്ശനത്തിനായി കേരളീയ വേഷത്തില് കൊച്ചിയിലെത്തി പ്രധാനമന്ത്രി നരേന്ദ്ര മോദി. കസവുമുണ്ടും ജൂബ്ബയും ഷാളും ധരിച്ചാണ് അദ്ദേഹം റോഡ് ഷോയില് പങ്കെടുക്കുന്നത്. കൊച്ചി വെണ്ടുരുത്തി പാലം മുതല് തേവര എസ് എച്ച് കോളേജ് വരെയാണ് റോഡ് ഷോ. കനത്ത സുരക്ഷാ വലയങ്ങള്ക്കിടയിലും റോഡിലൂടെ കാല്നടയായി ജനങ്ങളെ അഭിവാദ്യം ചെയ്താണ് പ്രധാനമന്ത്രി നീങ്ങുന്നത്.
സമൂഹത്തിന്റെ വ്യത്യസ്ത തലങ്ങളില് പ്രവര്ത്തിക്കുന്ന ആയിരക്കണക്കിന് ആളുകളാണ് കൊച്ചിയില് നരേന്ദ്രമോദിയെ കാണാന് എത്തിയിരിക്കുന്നത്. നവ്യാ നായര് അവതരിപ്പിക്കുന്ന നൃത്ത പരിപാടിയും, സ്റ്റീഫന് ദേവസിയുടെ സംഗീത പ്രകടനവും യുവം വേദിയില് നടന്നു. പ്രൊഫസര് എം കെ സാനു, ഗായകന് വിജയ് യേശുദാസ്, നടന് ഉണ്ണി മുകുന്ദന്, നടി അപര്ണാ ബാലമുരളി എന്നിവരും എത്തിയിട്ടുണ്ട്.
