കൊല്ലം : നഗ്നശരീരത്തില് കുട്ടികളെക്കൊണ്ട് ചിത്രം വരപ്പിച്ച സംഭവത്തില് രെഹന ഫാത്തിമക്കെതിരെ പോക്സോ വകുപ്പു പ്രകാരം കേസ്സെടുക്കാന് ബാലാവകാശ കമ്മീഷന് ഉത്തരവ് . വിഡിയോ സമൂഹമാധ്യമങ്ങളിലൂടെ പ്രചരിച്ചത് ശ്രദ്ധയില്പ്പെട്ടിട്ടാണ് രഹ്ന ഫാത്തിമയ്ക്കെതിരെ ക്രിമിനല് നടപടിയെടുക്കാന് സംസ്ഥാന ബാലാവകാശ സംരക്ഷണ കമ്മിഷന് ഉത്തരവിട്ടത്. പോക്സോ ആക്ടിലെ വിവിധ വകുപ്പുകള് പ്രകാരം കുറ്റകരമായ പ്രവര്ത്തനങ്ങള്ക്ക് കേസ് രജിസ്റ്റര് ചെയ്ത് അന്വേഷണം നടത്തേണ്ടത് അനിവാര്യമാണെന്നും കമ്മിഷന് പറഞ്ഞു.
വ്യാപകമായി പ്രചരിപ്പിക്കപ്പെട്ട വിഡിയോ സമൂഹ മാധ്യമങ്ങളില്നിന്ന് നീക്കം ചെയ്യാന് സൈബര് വിഭാഗം അടിയന്തരനടപടി സ്വീകരിക്കണമെന്നും കമ്മീഷന് പറഞ്ഞു. കുട്ടികള്ക്ക് ശ്രദ്ധയും പരിരക്ഷയും ആവശ്യമാണോയെന്നു പരിശോധിക്കണം, കുട്ടികളുടെ ജീവിതസാഹചര്യത്തെപ്പറ്റി അന്വേഷണം നടത്തി പത്തു ദിവസത്തിനകം റിപ്പോര്ട്ട് സമര്പ്പിക്കണമെന്നും കമ്മിഷന് നിര്ദേശിച്ചു.
