നഗോര്ട്ട: ജമ്മു കശ്മീരിലെ നഗോര്ട്ട ടോള് പ്ലാസയ്ക്ക് സമീപം വെടിവെപ്പ്. പോലീസും ഭീകരരും തമ്മിലുണ്ടായ വെടിവെപ്പില് മൂന്ന് ഭീകരര് കൊല്ലപ്പെട്ടു. വെടിവെപ്പിനിടയില് ഒരു പോലീസുകാരന് പരിക്കേറ്റു. പരിക്കേറ്റ പോലീസുകാരനെ സമീപത്തെ അശുപത്രിയില് പ്രവേശിപ്പിച്ചിട്ടുണ്ട്.
ഇന്ന് പുലര്ച്ചെ അഞ്ച് മണിയോടെയാണ് വെടിവെപ്പ് ഉണ്ടായത്. നാഗോര്ട്ടയിലെ ഒരു ടോള് പ്ലാസയില് ഉണ്ടായിരുന്ന പോലീസ് സംഘത്തിന് നേരെ ട്രക്കില് സഞ്ചരിക്കുകയായിരുന്ന ഭീകരര് വെടിയുതിര്ക്കുകയായിരുന്നു. വാഹന പരിശോധനയ്ക്കായി നിര്ത്തിയപ്പോഴായിരുന്നു ആക്രമണം. ശ്രീനഗറിലേക്കുള്ള യാത്രയിലായിരുന്നു ഭീകരരെന്ന് പോലീസ് പറഞ്ഞു. പ്രദേശത്ത് കൂടുതല് ഭീകരര് ഉണ്ടാവാന് സാധ്യതയുണ്ടെന്നാണ് കരുതുന്നത്.
