ചെന്നൈ : കുടുംബ പ്രശ്നങ്ങള് കൈകാര്യം ചെയ്യുന്ന തമിഴിലെ പേരുകേട്ട ടിവി പരിപാടിയാണ് ‘സൊല്വതെല്ലാം ഉണ്മൈ’.ഈ പരിപാടിയില് പങ്കെടുത്ത താരമായ ചെങ്കല്പേട്ട് സ്വദേശി അന്നപൂര്ണി സ്വയം പ്രഖ്യാപിത ആള്ദൈവമായി മാറിയതിന്റെ ഞെട്ടലിലാണ് നാട്ടുകാര്. പീഠത്തില് ഉപവിഷ്ഠയായ അന്നപൂര്ണിയുടെ കാല്ക്കല്വീണ് അനുയായികള് പൊട്ടിക്കരയുന്നതും അനുഗ്രഹം നല്കുന്നതുമായ ദൃശ്യങ്ങള് പുറത്തുവന്നു.
തമിഴിലെ ഭക്തിഗാനങ്ങള് എഡിറ്റ് ചെയ്ത് , വരികള് സ്വന്തം പേരിലാക്കി ഫേസ്ബുക്ക് പേജിലും പങ്ക് വെച്ചിരുന്നു. ഇത് കാട്ടി നാട്ടുകാരില് ചിലര് തന്നെയാണ് അന്നപൂര്ണിയ്ക്കെതിരെ പോലീസിനെ സമീപിച്ചത്. തുടര്ന്നാണ് ചെങ്കല്പേട്ട് പോലീസ് പ്രാഥമിക അന്വേഷണം തുടങ്ങിയത്. ഇതോടെ ആള്ദൈവം മുങ്ങി. അതേ സമയം ടിവി പരിപാടിയിലൂടെ നേടിയ പ്രസിദ്ധി വെച്ച് ആളുകളെ പറ്റിക്കുകയാണ് അന്നപൂര്ണിയെന്നാണു സമൂഹമാദ്ധ്യമങ്ങളിലെ വിമര്ശനം.
