പത്തനംതിട്ട : സ്വതന്ത്ര വ്യാപാര കരാർ ഒപ്പിടുന്നതിലൂടെ ഇന്ത്യയിലെ കർഷകരോട് കേന്ദ്ര സർക്കാർ കാണിച്ചിരിക്കുന്ന സമീപനം നിരുത്തരവാദപരവും ജനങ്ങളെ കൊള്ളയടിക്കുന്നതിന് തുല്യവുമാണെന്ന് ജില്ലാ കോൺഗ്രസ് കമ്മിറ്റി അധ്യക്ഷൻ പ്രൊഫ. സതീഷ് കൊച്ചുപറമ്പിൽ പറഞ്ഞു. ജില്ലാ കർഷക സംഗമവും ഓണാഘോഷവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കേരളത്തില് പ്രകൃതിക്ഷോഭവും വെള്ളപ്പൊക്കവും മൂലം ദുരിതമനുഭവിക്കുന്ന കർഷകർക്ക് തിരുവോണത്തിന് മുമ്പ് തന്നെ ദുരിതാശ്വാസം ലഭ്യമാക്കുന്നതിന് അടിയന്തിര നടപടികൾ സ്വീകരിക്കണമെന്നും അദ്ദേഹം ആവശ്യപ്പെട്ടു.
ജില്ലാ പ്രസിഡന്റ് അഡ്വ.ടി.എച്ച് സിറാജുദ്ദീൻ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി സതീഷ് പഴകുളം, സംസ്ഥാന ഭാരവാഹികളായ ജോജി, ജോസ് പെരിങ്ങനാട്, സജു മാത്യു, ഡി.സി.സി ജനറൽ സെക്രട്ടറിമാരായ മാത്യു ചെറിയാൻ, അബ്ദുൽ കലാം ആസാദ്, ജില്ലാ ഭാരവാഹികളായ ജോസ് കലഞ്ഞൂർ, കുര്യൻ സക്കറിയ, എം.ആർ ഗോപകുമാർ, അഷ്റഫ് കുട്ടി, സലീം പെരുനാട്, വല്ലാറ്റൂർ വാസുദേവൻ, ഷൂജ എം., ശശി, ശശി തടിയൂർ, റഹീംകുട്ടി, വേണു, ഗോപാലൻ പിള്ള, കുര്യൻ സക്കറിയ, കെ.എൻ.രവീന്ദ്രൻ, ആനി ജേക്കബ്, ജോർജ്ജ് ജോസഫ്, സജി കെ.സൈമൺ, തോമസ് മത്തായി, ഷാനവാസ് പെരിങ്ങമല, അഡ്വ.എസ്.റ്റി ഷാജി കുമാർ, ഷാജി കുളനട, ജോസ് തോമസ്, ജേക്കബ് ഫിലിപ്പ്, മോൻസി ഡാനിയേൽ, ശ്രീകുമാർ, വേണുകുമാരൻ നായർ, ജി.സന്തോഷ് കുമാർ, മാത്യു എബ്രഹാം എന്നിവർ സംസാരിച്ചു.
