പാലക്കാട്: കുട്ടികള്ക്ക് വാഹനമോടിക്കാന് നല്കുന്ന രക്ഷിതാക്കള്ക്കെതിരെ ശക്തമായ നടപടി. രണ്ട് മാസത്തിനിടെ ഇരു ചക്രവാഹനമോടിച്ചതിന് ജുവനൈല് ജസ്റ്റിസ് പ്രകാരം 10 പേര്ക്കെതിരെയാണ് പോലീസ് കേസ് എടുത്തത്. കൂടാതെ ഇവരില്നിന്ന് രണ്ടരലക്ഷം രൂപ പിഴയും ഇടാക്കി. നിയമലംഘനം കണ്ടെത്തിയതിനെ തുടര്ന്ന് വാഹന ഉടമക്കെതിരെയും രക്ഷിതാക്കള്ക്കെതിരെയും നിയമ നടപടി സ്വീകരിച്ചതായി പോലീസ് വ്യക്തമാക്കി. ഹെല്മറ്റ്, സീറ്റ് ബെല്റ്റ് ധരിക്കാത്തതിനും കൂളിംഗ് ഫിലിം ഒട്ടിച്ചതിനും ജൂണ് മാസത്തില് മാത്രം ആയിരത്തില് അധികം കേസ് രജിസ്റ്റര് ചെയ്തു. ഇതില് മാത്രം 1.84 ലക്ഷം രൂപ പിഴ ഈടാക്കി.
ജൂണ് മാസത്തില് പതിനായിരം രൂപ വരെ പിഴ ഈടാക്കുന്ന 32 അമിതവേഗ കേസുകളും മദ്യപിച്ച് വാഹന ഓടിച്ചതിന് 6 കേസുകളും ചെര്പ്പുളശ്ശേരി പോലീസ് രജിസ്റ്റര് ചെയ്തു. കഴിഞ്ഞ വര്ഷം ചെര്പ്പുളശ്ശേരി പോലീസ് സ്റ്റേഷന് പരിധിയില് 143 വാഹനാപകടങ്ങളാണ് ഉണ്ടായത്. ഇതില് 13 പേര്ക്ക് ജീവന് നഷ്ടമായി. ഈ സാഹചര്യത്തിലാണ് അപകടങ്ങള് തടയുക എന്ന ലക്ഷ്യത്തോടെ ചെര്പ്പുളശ്ശേരി എസ്.എച്ച്.ഒയുടെ നേതൃത്വത്തില് പോലീസ് നിരീക്ഷണം ശക്തമാക്കിയത്.
