കോന്നി : കുമ്പഴ വെട്ടൂർ റോഡിൽ പോലീസിന്റെ വാഹന പരിശോധന ജനങ്ങൾക്ക് ബുദ്ധിമുട്ട് സൃഷ്ടിക്കുന്നു. രാവിലെയും വൈകീട്ടും ഉള്ള പരിശോധനയിൽ ടിപ്പർ ലോറികൾ ആണ് കൂടുതലും പരിശോധിക്കുന്നത്. എന്നാൽ ഇത് മറ്റ് സ്വകാര്യ വാഹനങ്ങൾക്ക് കടന്ന് പോകാൻ സാധികാത്ത അവസ്ഥയിൽ ആണ് പരിശോധന നടത്തുന്നത്. ടിപ്പർ ലോറികൾ റോഡരികിൽ നിർത്തി ഇടുമ്പോൾ റോഡിന്റെ വീതി കുറവ് കാരണം മറ്റ് വാഹനങ്ങൾക്ക് കടന്ന് പോകാൻ സാധിക്കാത്ത അവസ്ഥയാണ് ഉള്ളത്. ഇത് പലപ്പോഴും മണിക്കൂറുകളോളം ഗതാഗത കുരുക്കിന് കാരണം ആകുന്നുണ്ട്. എന്നാൽ ഉദ്യോഗസ്ഥർ ഇത് വകവെക്കാതെ ആണ് പരിശോധന നടത്തുന്നത്. വളവുകളിലും പരിശോധന നടക്കാറുണ്ടെന്ന് യാത്രക്കാർ പറയുന്നു. അത്യാവശ്യ ഘട്ടങ്ങളിൽ പോലും ഗതാഗത കുരുക്ക് മൂലം വാഹനങ്ങൾക്ക് കടന്ന് പോകുവാൻ സാധിക്കാറില്ല. വിഷയത്തിൽ യാത്രക്കാരുടെ പ്രതിഷേധം ശക്തമാണ്.
