റാന്നി : മധ്യവയസ്കനെ മര്ദ്ദിച്ച റാന്നി പോലീസ് സ്റ്റേഷന് ഡ്രൈവര് രഞ്ജിത്ത് കുമാറിനെ സ്ഥലം മാറ്റി. അരുവിക്കല് ചുട്ടുമണ്ണില് ജയ്സനെ മര്ദിച്ചതടക്കം റാന്നി പോലീസ് സ്റ്റേഷനിലെ ഡ്രൈവറായ രഞ്ജിത്ത് കുമാറിനെതിരെ നിരവധി പരാതികളാണ് എംഎല്എയ്ക്ക് ലഭിച്ചത്. ജയ്സണും സുഹൃത്തും സ്കൂട്ടറില് വരുമ്പോള് വാഹന പരിശോധനയ്ക്കായി പോലീസ് വാഹനം കൈ കാണിച്ച് നിര്ത്തിക്കുകയായിരുന്നു. തുടര്ന്ന് രഞ്ജിത്ത് കുമാര് തട്ടിക്കയറുകയും മൊബൈല് നിലത്തിട്ട് ചവിട്ടി പൊട്ടിക്കുകയും ചെയ്തു. ജയിസന്റ് ചെവിക്കല്ലിന് അടിയ്ക്കുകയും ചെയ്തെന്നായിരുന്നു പരാതി.
മുമ്പും ഇയാളെക്കുറിച്ച് നിരവധി പരാതികള് എംഎല്എക്ക് ലഭിച്ചിരുന്നു. പിടിച്ച വാഹനം വിട്ടു നല്കാന് കൈക്കൂലി ആവശ്യപ്പെട്ടതും മണല് മാഫിയയുമായുള്ള ബന്ധവും വാഹനങ്ങള് സ്ഥിരം കൈ കാണിച്ചു നിര്ത്തി കൈക്കൂലി ആവശ്യപ്പെടുന്നതും വഴിയാത്രക്കാരെ മര്ദ്ദിക്കുന്നതുമായി ബന്ധപ്പെട്ട നിരവധി പരാതികളും ഇയാളേ പറ്റി ഉയര്ന്നിരുന്നു.
പോലീസിലും മര്ദ്ദക വീരനായ ഇയാള്ക്കെതിരെ ആക്ഷേപം ഉണ്ടായിരുന്നു. ഈ വിവരങ്ങള് എല്ലാം എംഎല്എ ജില്ലാ പോലീസ് മേധാവിയുടെ ശ്രദ്ധയില് കൊണ്ടുവരികയും അന്വേഷിച്ചു നടപടി എടുക്കുവന് ആവശ്യപ്പെടുകയും ചെയ്തിരുന്നു ഇതിന്റെ അടിസ്ഥാനത്തിലാണ് നടപടി.
