കോന്നി : തൃതല പഞ്ചായത്ത് തിരഞ്ഞെടുപ്പിന്റെ സുഗമമായ നടത്തിപ്പിനായി വിപുലമായ ഒരുക്കങ്ങൾ ആണ് കോന്നിയിൽ പോലീസ് ഒരുക്കിയിരിക്കുന്നത്. കോന്നി ഡി വൈ എസ് പി അജയ് നാഥിന്റെ നേതൃത്വത്തിൽ ആണ് ഒരുക്കങ്ങൾ പുരോഗമിക്കുന്നത്. പോലീസ് ഗ്രൂപ്പ് ഓഫീസർമാർക്കാണ് ബൂത്തുകളുടെ ചുമതല. കോന്നി പോലീസ് സ്റ്റേഷൻ പരിധിയിൽ 6 ഗ്രൂപ്പ് ഓഫീസർമാർക്കാണ് 81 ബൂത്തുകളുടെ ചുമതല നൽകിയിരിക്കുന്നത്. കോന്നി, അരുവാപ്പുലം, പ്രമാടം ഗ്രാമ പഞ്ചായത്തുകളിലായി 90 ബൂത്തുകൾ ആണ് നിലവിൽ ഉള്ളത്.
ഗ്രൂപ്പ് ഓഫീസർമാരെ സഹായിക്കാൻ എൻ സി സി കേഡറ്റ്കളെയും ചുമതലപ്പെടുത്തിയിട്ടുണ്ട്. വാഹന സൗകര്യം അടക്കമുള്ള കാര്യങ്ങൾ ഗ്രൂപ്പ് ഓഫീസർമാർക്ക് നൽകിയിട്ടുണ്ട്. ജില്ലയിൽ തിരഞ്ഞെടുപ്പ് നടക്കുന്ന ദിവസങ്ങളിൽ കേരളത്തിലെ വിവിധ ജില്ലകളിൽ നിന്നുള്ള പോലീസ് ഉദ്യോഗസ്ഥർ ആണ് എത്തിയിട്ടുള്ളത്. തിരഞ്ഞെടുപ്പ് സുഗമമായി നടത്തുവാനുള്ള എല്ലാവിധ ക്രമീകരണങ്ങളും പൂർത്തിയായതായി പോലീസ് അറിയിച്ചു.
