മുംബൈ: ഡെപ്യൂട്ടി എസ്പി ദേവീന്ദര് സിങ്ങ് തീവ്രവാദികള്ക്കൊപ്പം അറസറ്റിലായ സംഭവത്തിന്റെ പശ്ചാത്തലത്തില് കശ്മീര് താഴ്വരയിലെ പോലീസിന്റെ പ്രവര്ത്തനങ്ങളെ വിമര്ശിച്ച് ശിവസേന. ‘കശ്മീരില് അതിര്ത്തി കടന്നുള്ള നുഴഞ്ഞുകയറ്റം നടന്നുകൊണ്ടിരിക്കുകയാണ്. സുരക്ഷിതമായി തീവ്രവാദികള്ക്ക് അതിര്ത്തി കടക്കാനുള്ള സഹായം നല്കുകയാണ് പോലീസെന്ന് ശിവസേനയുടെ മുഖപത്രമായ സാമ്ന ആരോപിക്കുന്നു.
പോലീസ് മെഡല് നേടിയ മുതിര്ന്ന പോലീസ് ഉദ്യോഗസ്ഥന് തന്നെ അറസ്റ്റിലായിരിക്കുന്നു. കശ്മീരില് സര്ക്കാര് മറ്റുചില സേവനങ്ങള്ക്കായി പോലീസിനെ ഉപയോഗിക്കുന്നതായാണ് കാണപ്പെടുന്നത്. പുല്വാമ ആക്രമണവുമായി ബന്ധപ്പെട്ട് സംശയങ്ങള് പ്രകടിപ്പിച്ചാല് കേന്ദ്ര ആഭ്യന്തര മന്ത്രാലയം എന്തു മറുപടിയാണ് നല്കുക’, ശിവസേനയുടെ മുഖപത്രമായ സാമ്ന ചോദിക്കുന്നു.