ശ്രീനഗര് : ബട്ടമാലൂ പ്രദേശത്ത് ഭീകരവാദികളുടെ വെടിയേറ്റ് പോലീസ് കോണ്സ്റ്റബിള് കൊല്ലപ്പെട്ടു. കോണ്സ്റ്റബിള് തൗസീഫ് അഹമ്മദാണ് മരിച്ചതെന്ന് തിരിച്ചറിഞ്ഞു. ഞായറാഴ്ച രാത്രി എട്ടുമണിയോടെ എസ്ഡി കോളനിയിലെ വീടിന് സമീപത്തുനിന്നാണ് ഭീകരവാദികള് നിരായുധനായ പോലീസ് കോണ്സ്റ്റബിളിന് നേരെ വെടിയുതിര്ത്തത്. പോലീസുകാരനെ എസ്എംഎച്ച്എസ് ആശുപത്രിയിലെത്തിച്ചെങ്കിലും മരിച്ചിരുന്നു. പ്രദേശം പോലീസ് അടച്ചു. ഭീകരവാദികള്ക്കായി തിരച്ചില് പുരോഗമിക്കുകയാണെന്നും പോലീസ് വ്യക്തമാക്കി. പോലീസുകാരന്റെ മരണത്തില് നാഷണല് കോണ്ഫറന്സ് അനുശോചനം അറിയിച്ചു.
