കണ്ണൂർ ചക്കരക്കല്ലിലെ ഒരു വീട്ടിൽ നിന്ന് മൂന്ന് പേരെ എംഡിഎംഎയുമായി പോലീസ് പിടികൂടി

കണ്ണൂർ: കണ്ണൂർ ചക്കരക്കല്ലിലെ ഒരു വീട്ടിൽ നിന്ന് മൂന്ന് പേരെ 135 ഗ്രാം എംഡിഎംഎയുമായി പോലീസ് പിടികൂടി. മഹേഷ്, അർജുൻ, റെനീസ് എന്നിവരാണ് അറസ്റ്റിലായത്. വിൽപനക്കായി എംഡിഎംഎ ചെറു പാക്കറ്റുകളാക്കുന്നതിനിടെയാണ് മയക്കുമരുന്ന് സംഘത്തെ പോലീസ് പിടികൂടിയത്. ചക്കരക്കൽ മണിയൻ ചിറയിൽ റോഡരികിൽ തന്നെയുളള മഹേഷ് എന്നയാളുടെ വീട്ടിലായിരുന്നു വലിയ അളവിൽ എംഡിഎംഎ സൂക്ഷിച്ചത്. രഹസ്യ വിവരം കിട്ടിയ ചക്കരക്കൽ സിഐ ആസാദും സംഘവും ഒപ്പം എക്സൈസുമാണ് പരിശോധനക്കെത്തിയത്. വീട്ടിലുണ്ടായിരുന്ന മഹേഷിനെയും അർജുൻ, റെനീസ് എന്നിവരെയും ഇവിടെ വെച്ച് തന്നെ പിടികൂടി. 135.5 ഗ്രാം എംഡിഎംഎ പിടിച്ചെടുത്തു. പതിനഞ്ച് ഗ്രാം വീതമുളള ചെറുപാക്കറ്റുകളിലേക്ക് എംഡിഎംഎ മാറ്റുകയായിരുന്നു മൂന്ന് പേരും. കണ്ണൂർ ആറ്റടപ്പ സ്വദേശികളായ അർജുനും റെനീസും ഇതിനായാണ് മണിയൻചിറയിലുള്ള മഹേഷിന്‍റെ വീട്ടിലെത്തിയത്. അമ്മ മാത്രമാണ് ഇയാളുടെ വീട്ടിൽ താമസം. പതിവായി പരിചയമില്ലാത്തവർ വീട്ടിലെത്തുന്നത് നാട്ടുകാരുടെ ശ്രദ്ധയിലുമുണ്ടായിരുന്നു. ജില്ലയിലെ വിവിധയിടങ്ങളിൽ മയക്കുമരുന്ന് വിതരണം ചെയ്യുന്ന സംഘത്തിലുൾപ്പെട്ടവരാണ് പ്രതികൾ. പിടിയിലായവർക്കെതിരെ നേരത്തെയും ലഹരിക്കേസുകളുൾപ്പെടെയുണ്ട്.

സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍  ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച്  പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1