തിരുവനന്തപുരം : ഉന്നത പോലീസ് ഉദ്യോഗസ്ഥരുടെ യോഗം വിളിച്ച് ഡിജിപി അനില്കാന്ത്. പോലീസിനുനേരെ തുടര്ച്ചയായി കോടതിയുടെ ഭാഗത്തുനിന്ന് വിമര്ശനങ്ങള് ഉയരുന്ന സാഹചര്യത്തിലാണ് യോഗം ചേരുന്നത്. വെള്ളിയാഴ്ച ചേരാനിരിക്കുന്ന യോഗത്തില് എസ്.പി മാര്, എ.ഡി.ജി.പി മാര്, ഡി.ഐ.ജി, ഐ.ജി മാര് തുടങ്ങിയ ഉദ്യോഗസ്ഥര് യോഗത്തില് പങ്കെടുക്കണമെന്നാണ് പോലീസ് മേധാവിയുടെ നിര്ദേശം. നീതി ഉറപ്പാക്കുന്നതില് പോലീസിന്റെ ഭാഗത്തുനിന്ന് വീഴ്ചകള് ഉണ്ടാകരുതെന്ന് പിങ്ക് പോലീസ് കേസുള്പ്പെടെ വിവിധ വിഷയങ്ങളില് കോടതി സൂചിപ്പിച്ചിരുന്നു. സംസ്ഥാന പോലീസ് മേധാവിയുടെ പേരടക്കം എടുത്തുപറഞ്ഞ് വിമര്ശനങ്ങള് ഉന്നയിച്ച പശ്ചാത്തലത്തിലാണ് യോഗം ചേരുന്നത്.
