തിരുവനന്തപുരം : അപകടത്തില്പ്പെടുന്ന സമയത്ത് വാഹനത്തിന് പുക പരിശോധന സര്ട്ടിഫിക്കറ്റ് ഇല്ലെങ്കില് ഇന്ഷുറന്സ് പരിരക്ഷ ലഭിക്കില്ല എന്നതരത്തില് പ്രചരിക്കുന്നത് വ്യാജസന്ദേശം ആണെന്ന് പോലീസ്. സമൂഹ മാധ്യമങ്ങളില് പ്രത്യേകിച്ച് വാട്സ് ആപ്പില് വ്യാപകമായി പ്രചരിക്കുന്ന ഒരു സന്ദേശമാണ് ആളുകളില് കുറച്ചുദിവസങ്ങളായി പരിഭ്രാന്തി സൃഷ്ടിക്കുന്നത്. ഒടുവില് ഈ പ്രചാരണങ്ങള്ക്ക് പിന്നിലെ യഥാര്ത്ഥ്യം വ്യക്തമാക്കി രംഗത്തെത്തിയിരിക്കുകയാണ് കേരള പോലീസ്.
പുക പരിശോധന സര്ട്ടിഫിക്കറ്റ് ഇല്ലെങ്കില് അപകടം ഉണ്ടായാല് ക്ലെയിം കിട്ടില്ല എന്ന പ്രചാരണം വാസ്തവ വിരുദ്ധമാണെന്ന് കേരള മോട്ടോര് വാഹന വകുപ്പ് വ്യക്തമാക്കിയിട്ടുണ്ട് . വാഹനം കൃത്യമായി സര്വീസ് ചെയ്തു പുക പരിശോധന നടത്തി സര്ട്ടിഫിക്കറ്റ് വാങ്ങി വയ്ക്കേണ്ടത് നിയമപ്രകാരം നിര്ബന്ധമാണ് പൊളൂഷന് സര്ട്ടിഫിക്കറ്റ് ഇല്ലെങ്കില് അപകടം ഉണ്ടായാല് വാഹനങ്ങള്ക്ക് പരിരക്ഷ ലഭിക്കില്ല എന്ന പ്രചാരണം വ്യാജമാണെന്നും പോലീസ് വ്യക്തമാക്കി.
