പൊന്കുന്നം : അയല്ക്കൂട്ടത്തിന്റെ പേരില് ഒന്പത് സ്ത്രീകള് ചേര്ന്ന് നടത്തിയ ചിട്ടിയില് ഒന്നരക്കോടി രൂപയോളം കിട്ടാനുള്ളവര്ക്ക് മൂന്നുമാസത്തിനുള്ളില് പണം കൊടുത്തു തീര്ക്കാമെന്ന് ധാരണ. പൊന്കുന്നം പോലീസ് സ്റ്റേഷനില് പണം കിട്ടാനുള്ളവര് നടത്തിയ പ്രതിഷേധത്തെ തുടര്ന്ന് ചിട്ടിനടത്തിപ്പുകാരുമായി നടത്തിയ മണിക്കൂറുകള് നീണ്ട ചര്ച്ചയിലാണ് ഒത്തുതീര്പ്പായത്.
സി.പി.എമ്മിന്റെ മുന് വനിതാ പഞ്ചായത്തംഗത്തിന്റെ നേതൃത്തിലുള്ള ഒന്പതുപേര് ചേര്ന്ന് നടത്തിയ ചിട്ടിയിലാണ് 154 പേര്ക്ക് പണം കിട്ടാനുള്ളത്. ഒന്നരലക്ഷം രൂപയുടെ ചിട്ടിയില് ഒരു ലക്ഷം രൂപയിലേറെ ഓരോരുത്തരും തവണ അടച്ചിട്ടുണ്ട്. ചിട്ടി കിട്ടിയവര്ക്കാര്ക്കും പണം നല്കിയിട്ടില്ല. ആകെ നല്കിയത് ശനിയാഴ്ച വൈകീട്ട് പൊന്കുന്നം പോലീസ് സ്റ്റേഷനില് എത്തിച്ച് വീതം വെച്ച 5,40,000 രൂപ മാത്രമാണ്. ഇതില് നിന്ന് മൂവായിരം രൂപ വീതമാണ് ഓരോരുത്തര്ക്കും നല്കാനായത്.
