കോഴിക്കോട്: ചികിത്സ തേടിയെത്തിയ ഗര്ഭിണിക്ക് കോവിഡ് സ്ഥിരീകരിച്ചതിനെ തുടര്ന്ന് കോഴിക്കോട് സ്വകാര്യ ആശുപത്രിയിലെ ആരോഗ്യ പ്രവര്ത്തകര് ക്വാറന്റീനില് പ്രവേശിച്ചു. ഒരു ഡോക്ടറും മൂന്ന് നഴ്സുമാരുമാണ് നിരീക്ഷണത്തില് പോയത്. ഇന്നലെയാണ്(ചൊവ്വാഴ്ച) കല്ലായി സ്വദേശിയായ ഗര്ഭിണിക്ക് കോവിഡ് സ്ഥിരീകരിച്ചത്. റൂട്ട്മാപ്പ് പ്രകാരം ഇവര് ജൂണ് 23, 25 ദിവസങ്ങളില് ആശുപത്രിയില് ചികിത്സ തേടിയെത്തിയിരുന്നു. ചികിത്സിച്ച ഗൈനക്കോളജി ഡോക്ടറോടും മൂന്ന് നഴ്സുമാരോടും ക്വാറന്റീനില് പോകാന് ആവശ്യപ്പെട്ടിരുന്നുവെന്നും ഇവര് നിരീക്ഷണത്തിലാണെന്നും ആശുപത്രി അധികൃതര് പറയുന്നു.
