24.7 C
Pathanāmthitta
Friday, June 17, 2022 1:28 am

ജാതി മാറി പ്രണയിച്ച 18കാരിയെ കൊലപ്പെടുത്തി മൃതദേഹം കാട്ടില്‍ ഉപേക്ഷിച്ചു ; സഹോദരന്മാര്‍ അറസ്റ്റില്‍

ഡെറാഡൂണ്‍ : ഇതര ജാതിയില്‍പ്പെട്ട യുവാവുമായി പ്രണയിച്ചതിന് സഹോദരിയെ കഴുത്ത് ഞെരിച്ച്‌ കൊലപ്പെടുത്തി മൃതദേഹം കാട്ടില്‍ ഉപേക്ഷിച്ചു.
ഉത്തരാഖണ്ഡിലാണ് സംഭവം. പെണ്‍കുട്ടിയുടെ മൃതദേഹം അഴുകിയ നിലയില്‍ കാട്ടില്‍ നിന്ന് കണ്ടെത്തി. സംഭവത്തില്‍ രണ്ടു സഹോദരന്മാരെയും സഹോദര ഭാര്യയെയും പോലീസ് അറസ്റ്റ് ചെയ്തു.

റിസോര്‍ട്ടുകള്‍ കേന്ദ്രീകരിച്ച്‌ നടത്തിയ അന്വേഷണത്തിലാണ് പ്രതികള്‍ കുടുങ്ങിയത്. 60 റിസോര്‍ട്ടുകളിലെ 150 സിസിടിവി ക്യാമറകളാണ് പോലീസ് പരിശോധിച്ചത്. പെണ്‍കുട്ടി സഹോദരന്മാടൊപ്പം ഡെറാഡൂണില്‍ എത്തിയത് സിസിടിവി ദൃശ്യങ്ങളില്‍ നിന്ന് കണ്ടെത്തിയിരുന്നു. ഇളയ സഹോദരനെ ചോദ്യം ചെയ്തപ്പോഴാണ് കൊലപാതകത്തിന്റെ ചുരുളഴിയുന്നത്. മൂത്ത സഹോദരനും സഹോദര ഭാര്യയും താനും ചേര്‍ന്നാണ് പെണ്‍കുട്ടിയെ കൊലപ്പെടുത്തിയതെന്ന് പ്രതി പോലീസിനോട് പറഞ്ഞു.

കൊലപാതകത്തിന് പിന്നാലെ ഇളയ സഹോദരന്‍ ബിഹാറിലേക്ക് മടങ്ങി. ഇതര ജാതിയില്‍പ്പെട്ട യുവാവുമായുള്ള പ്രണയബന്ധമാണ് കൊലപാതകത്തില്‍ കലാശിച്ചതെന്ന് പോലീസ് പറയുന്നു. ബീഹാര്‍ സ്വദേശിനിയാണ് പെണ്‍കുട്ടി. കൊലപാതകത്തിന് ശേഷം മൃതദേഹം കാട്ടില്‍ ഉപോക്ഷിക്കുകയായിരുന്നെന്ന് ഇളയ സഹോദരന്‍ കുറ്റസമ്മതമൊഴി നല്‍കിയതായി പോലീസ് പറയുന്നു.

- Advertisment -
- Advertisment -
Advertisment
- Advertisment -

Most Popular