അടൂര് : നിയമസഭാ തെരഞ്ഞടുപ്പില് അടൂരില് ഇടതുപക്ഷ ജനാധിപത്യ മുന്നണി സ്ഥാനാര്ഥിയായി പ്രിജി കണ്ണന് ജനവിധി തേടും. 2020 – 25 വര്ഷം കൊല്ലം ജില്ലാ പഞ്ചായത്ത് നെടുമ്പന ഡിവിഷനില് നിന്നും 10848 വോട്ടുകളുടെ ഭൂരിപക്ഷത്തില് ആണ് പ്രിജി കണ്ണന് വിജയിച്ചത്. കേരള സര്വ്വകലാശാലയില് ജനപ്രതിനിധികളുടെ പ്രതിനിധിയായി സെനറ്റ് അംഗമായിരുന്നു. എ.ഐ.എസ്.എഫ് മുന് സംസ്ഥാന വൈസ് പ്രസിഡന്റ്, എ.ഐ.വൈ.എഫ് കൊല്ലം ജില്ലാ എക്സിക്യുട്ടീവ് അംഗം, സി.പി.ഐ നെടുവത്തൂര് മണ്ഡലം കമ്മറ്റി അംഗം എന്നീ നിലകളില് പ്രവര്ത്തിക്കുന്നു. കരീപ്ര എന്.നാരായണന് ഉണ്ണി ഗ്രന്ഥശാല എക്സിക്യുട്ടീവ് അംഗമാണ്.
കൊല്ലം എസ്.എന് വനിതാ കോളേജില് നിന്നും ബിരുദവും കൊല്ലം എസ്.എന്. കോളേജില് നിന്നും ബിരുദാനന്തര ബിരുദവും പത്തനാപുരം മൗണ്ട് താബൂര് ട്രെയിനിംഗ് കോളേജില് നിന്നും ബി.എഡും കരസ്ഥമാക്കിയിട്ടുണ്ട്. കരീപ്ര അരുവാറ്റൂര് തെക്കേവിള വീട്ടില് പരേതനായ ജി.ശശിധരന്റെയും അനിതയുടെയും ഇളയ മകളാണ്. കരുനാഗപ്പള്ളി സ്വദേശിയും എ.ഐ.വൈ.എഫ് സംസ്ഥാന കമ്മറ്റി അംഗവുമായ യു.കണ്ണന് ആണ് ഭര്ത്താവ്.
