ലക്നോ: കാശിയിലെ സമ്പൂർണാനന്ദ സംസ്കൃത സർവകലാശാല ഗ്രൗണ്ടിൽ പ്രധാനമന്ത്രി നരേന്ദ്ര മോദി 25,000 സ്ത്രീകളുമായി സംവദിക്കും. പ്രയാഗ്രാജിൽ തിരഞ്ഞെടുപ്പ് റാലിയിലും അദ്ദേഹം പ്രസംഗിക്കും. വാരാണസി ലോക്സഭ മണ്ഡലത്തിൽ 1,909 ബൂത്തുകളുണ്ടെന്നും ഓരോ ബൂത്തിൽ നിന്നും 10 സ്ത്രീകളെ പ്രധാനമന്ത്രി മോദിയുടെ സംവദത്തിനായി ക്ഷണിച്ചിട്ടുണ്ടെന്നും കാശി മേഖല ബിജെപി വക്താവ് നവരതൻ രതി പറഞ്ഞു. പരിപാടിക്കുള്ള എല്ലാ ഒരുക്കങ്ങളും പൂർത്തിയായെന്നും അദ്ദേഹം അറിയിച്ചു.
വൈകുന്നേരം നാലിന് ആരംഭിക്കുന്ന പരിപാടിയിലേക്ക് ഡോക്ടർമാർ, എഞ്ചിനീയർമാർ, അഭിഭാഷകർ, പ്രൊഫസർമാർ, ചാർട്ടേഡ് അക്കൗണ്ടന്റുമാർ, അധ്യാപകർ എന്നിവരെയും ക്ഷണിച്ചിട്ടുണ്ടെന്നും അദ്ദേഹം കൂട്ടിച്ചേർത്തു. മെയ് 13 ന് അദ്ദേഹത്തിന്റെ കാശി റോഡ് ഷോയിൽ ഞങ്ങൾ ആവേശത്തോടെ പങ്കെടുത്തത് പ്രധാനമന്ത്രിയെ വളരെയധികം സന്തോഷിപ്പിച്ചു. അതിനാലാണ് അദ്ദേഹം ഞങ്ങളുമായി സന്തോഷം പങ്കിടാൻ വീണ്ടും ഇവിടെ വരുന്നതെന്ന് ബിജെപിയുടെ സംസ്ഥാന യൂണിറ്റ് സെക്രട്ടറിയും മഹിളാ മോർച്ച ഇൻചാർജുമായ അർച്ചന മിശ്ര പറഞ്ഞു.
