കോന്നി : സ്വകാര്യ ബസുകളിൽ വിദ്യാർത്ഥികൾക്ക് കൺസെഷൻ നിഷേധിക്കുകയും വിദ്യാർഥികളോട് മോശമായി പെരുമാറുകയും ചെയ്തതിന് എതിരെ എ ഐ എസ് എഫ് കോന്നി മണ്ഡലം കമ്മിറ്റിയുടെ നേതൃത്വത്തിൽ കോന്നി നഗരത്തിൽ സ്വകാര്യ ബസുകൾ തടഞ്ഞു. നിരവധി വിദ്യാർഥികൾ ആണ് കൺസെഷൻ സംബന്ധിച്ച് പരാതികൾ എ ഐ എസ് എഫ് നെ അറിയിക്കുന്നതെന്നും ബന്ധപ്പെട്ട അധികാരികളുടെ മുന്നിൽ വിഷയം എത്തിച്ച് ഇതിന് പരിഹാരം കാണുമെന്നും എ ഐ എസ് എഫ് നേതാക്കൾ അറിയിച്ചു. എ ഐ എസ് എഫ് ജില്ലാ സെക്രട്ടറി അനിജു, ജില്ലാ ജോയിന്റ് സെക്രട്ടറി ആദർശ് ശ്രീ തുടങ്ങിയവർ നേതൃത്വം നൽകി.
