പത്തനംതിട്ട : കേരളത്തിലെ സ്വകാര്യ ബസ്സുടമകളുടെ പ്രതിഷേധ സമരം നാളെ വിവിധ കേന്ദ്രങ്ങളില്‍ നടക്കും. ഡീസൽ വിലവർധന പിൻവലിക്കുക, സ്വകാര്യബസ്സ് ഉടമകൾക്ക് ഡീസൽ സെയിൽ ടാക്സ് ഒഴിവാക്കുക, യാത്രാ നിരക്ക് വർദ്ധിപ്പിക്കുക, വിദ്യാർത്ഥി കൺസെഷൻ കാലോചിത മാറ്റം നടപ്പാക്കുക, വാഹനനികുതി ഒഴിവാക്കുക എന്നീ ആവശ്യങ്ങൾ ഉന്നയിച്ചാണ് സമരം. ഓൾ കേരള ബസ്സ് ഓപ്പറേറ്റേഴ്സ് ഓർഗനൈസേഷന്റെ നേതൃത്വത്തിൽ സർക്കാർ ഓഫീസുകൾക്കു മുൻപിൽ തിങ്കളാഴ്ച രാവിലെ പത്തരക്ക് പ്രതിഷേധ ധർണ്ണ നടത്തുമെന്ന് സംസ്ഥാന വൈസ് പ്രസിഡന്റ് കൂടൽ ശ്രീകുമാർ അറിയിച്ചു.
