ഭോപ്പാല്: മധ്യപ്രദേശില് കോണ്ഗ്രസ് പ്രചാരണത്തിന് തുടക്കം. നര്മ്മദ നദീ പൂജയോടെയാണ് പ്രിയങ്ക ഗാന്ധി പ്രചാരണം തുടങ്ങിയത്. തന്നെ ലക്ഷ്യം വയ്ക്കാന് പ്രധാനമന്ത്രി പറയുന്ന ദുരുപയോഗങ്ങളേക്കാള് വലുതാണ് മധ്യപ്രദേശിലെ അഴിമതികളുടെ പട്ടിക, പ്രിയങ്ക ഗാന്ധി ജബല്പൂരിലെ റാലിയില് പറഞ്ഞു. ഗോത്രവിഭാഗങ്ങള്ക്ക് മേല്ക്കൈയുള്ള ജബല്പൂരിലെ മഹാകുശാല് മേഖലയിലാണ് പ്രിയങ്കയുടെ പ്രചാരണ റാലി. കഴിഞ്ഞ തെരഞ്ഞെടുപ്പില് ഈ മേഖലയില് 13ല് 11 സീറ്റുകള് കോണ്ഗ്രസ് നേടിയിരുന്നു. 150 സീറ്റ് പിടിക്കുമെന്ന ആത്മവിശ്വാസമാണ് രാഹുല് ഗാന്ധിയടക്കം പങ്കുവയ്ക്കുന്നത്.
കഴിഞ്ഞ മൂന്ന് വര്ഷമായി സംസ്ഥാനത്ത് ബിജെപി എന്താണ് ചെയ്തത്? നിലവിലെ സര്ക്കാരിന് കീഴില് നിങ്ങളുടെ ജീവിതം മെച്ചപ്പെട്ടുവെന്ന് നിങ്ങളില് ആര്ക്കെങ്കിലും പറയാമോ? പ്രിയങ്ക ഗാന്ധി ചോദിച്ചു. 2018-ലെ മധ്യപ്രദേശ് തിരഞ്ഞെടുപ്പില് കോണ്ഗ്രസ് വിജയിച്ചുവെങ്കിലും രണ്ട് വര്ഷത്തിന് ശേഷം കമല്നാഥ് സര്ക്കാര് തകര്ന്നു. ജ്യോതിരാദിത്യ സിന്ധ്യ 22 പാര്ട്ടി എംഎല്എമാരെയും ഒപ്പം കൂട്ടി ബിജെപിയിലേക്ക് മാറി.
