ന്യൂ ഡല്ഹി : ഉത്തര് പ്രദേശില് മാധ്യമ പ്രവര്ത്തകന് കൊല്ലപ്പെട്ട സംഭവത്തില് മുഖ്യമന്ത്രി യോഗി ആദിത്യനാഥിനെതിരെ രൂക്ഷ വിമര്ശനവുമായി കോണ്ഗ്രസ് നേതാവ് പ്രിയങ്ക ഗാന്ധി. ഉത്തര് പ്രദേശില് ക്രിമിനലുകള്ക്കുള്ള പിന്തുണ വര്ധിച്ചുവരുകയാണ്. മുഖ്യമന്ത്രിയും മന്ത്രിമാരും ക്രിമിനല് സംഭവങ്ങള് നിഷേധിക്കുന്നത് കുറ്റവാളികള്ക്ക് ശക്തിയേകുന്നു. സാധാരണക്കാര്, പോലീസുകാര്, മാധ്യമ പ്രവര്ത്തകര് എന്നിവരടക്കമുള്ളവരാണ് ഈ കാട്ടുഭരണത്തിന് ഇരയാകുന്നതെന്നും മരണപ്പെട്ട മാധ്യമപ്രവര്ത്തകനും കുടുംബത്തിനും അനുശോചനമറിയിക്കുന്നുവെന്നും പ്രിയങ്ക ഗാന്ധി പറഞ്ഞു.
ഉത്തര്പ്രദേശില് വാരാണസിക്ക് സമീപം ബല്ലിയ ജില്ലയില് സഹാറാ സമയ് ചാനലിലെ മാധ്യമപ്രവര്ത്തകനായ രത്തന്സിങിനെയാണ് ഇന്നലെ കൊലപ്പെടുത്തിയത്. രാത്രി 9.45യോടെയായിരുന്നു സംഭവം. വീടിനു മുന്നില് നില്ക്കുമ്പോള് ആക്രമികള് വെടിവെക്കുകയായിരുന്നു. രത്തന് സിങ്ങ് തല്ക്ഷണം മരിച്ചു. അതേസമയം മാധ്യമപ്രവര്ത്തകന് കൊല്ലപ്പെട്ട സംഭവത്തില് മൂന്നുപേര് അറസ്റ്റിലായി. കൊലപാതക കാരണം വസ്തുതര്ക്കമാണെന്നും പിന്നില് ഭൂമാഫിയയാണെന്നും ഡി.ഐ.ജി അറിയിച്ചിരുന്നു.