പത്തനംതിട്ട: അന്ധവിശ്വാസങ്ങളും അനാചാരങ്ങളും നിറഞ്ഞ ഇരുണ്ട കാലഘട്ടത്തില് നിന്നും കേരളത്തെ മോചിപ്പിക്കുവാന് ത്യാഗോജ്ജ്വലമായ പ്രവര്ത്തനം നടത്തിയ സാമൂഹ്യ പരിഷ്കര്ത്താവായിരുന്നു മഹാനായ അയ്യങ്കാളി എന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പറഞ്ഞു. ജില്ലാ കോണ്ഗ്രസ് കമ്മിറ്റിയുടെ നേതൃത്വത്തില് സംഘടിപ്പിച്ച അയ്യങ്കാളി സ്മൃതി ദിനാചരണ പരിപാടികള് ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. അധഃസ്ഥിതരായ ദളിത് വിഭാഗങ്ങള് നേരിട്ട ജാതീയ വിവേചനങ്ങള്ക്കും തൊട്ടുകൂടായ്മക്കുമെതിരെ ശക്തമായ പ്രതിരോധവും സമരങ്ങളും സംഘടിപ്പിച്ച് സമൂഹത്തിന്റെ മുഖ്യധാരയില് എത്തിക്കുവാന് അയ്യങ്കാളി നടത്തിയ ധീരമായ ശ്രമങ്ങള് ചരിത്രത്തിന്റെ സ്മരണകളില് എന്നും നിലനില്ക്കുമെന്നും പ്രൊഫ. സതീഷ് കൊച്ചുപറമ്പില് പറഞ്ഞു.
ഡി.സി.സി വൈസ് പ്രസിഡന്റ് എ.സുരേഷ് കുമാര് അദ്ധ്യക്ഷത വഹിച്ചു. യു.ഡി.എഫ് ജില്ലാ കണ്വീനര് എ.ഷംസുദ്ദീന്, ഡി.സി.സി വൈസ് പ്രസിഡന്റ് അനില് തോമസ്, സംഘടനാകാര്യ ജനറല് സെക്രട്ടറി സാമുവല് കിഴക്കുപുറം, ജനറല് സെക്രട്ടറിമാരായ സുനില് എസ്. ലാല്, അബ്ദുള്കലാം ആസാദ്, ദളിത് കോണ്ഗ്രസ് ജില്ലാ പ്രസിഡന്റ് എ.കെ.ലാലു, നേതാക്കളായ മഞ്ചു വിശ്വനാഥ്, സുരേഷ് പാണില്, പി.കെ. ഇക്ബാല്, അജിത് മണ്ണില്, എ.ഫറൂഖ്, നാസര് തോണ്ടമണ്ണില്, തോമസ് കുറുങ്ങാടന് എന്നിവര് പ്രസംഗിച്ചു.
