ദില്ലി: മാനനഷ്ട കേസില് ശിക്ഷിക്കപ്പെട്ട വയനാട് എംപി രാഹുലിനെതിരായ കോടതി വിധിക്കെതിരെ പാര്ലമെന്റില് എംപിമാരുടെ പ്രതിഷേധം. നിരോധനാജ്ഞ ലംഘിച്ച് പ്രതിപക്ഷം. എംപിമാരും പോലീസും തമ്മില് ഉന്തും തള്ളും ഉണ്ടായി. തുടര്ന്ന് എംപിമാരെ അറസ്റ്റ് ചെയ്ത് നീക്കി. അതേസമയം രാഹുല് ഗാന്ധിയെ അയോഗ്യനാക്കി. ലോക്സഭാ സെക്രട്ടേറിയേറ്റ് വിജ്ഞാപനം പുറപ്പെടുവിച്ചു. വലിയ പുതുമയുള്ളതല്ലെന്നും പ്രതീക്ഷിച്ച കാര്യം തന്നെയാണെന്നും മുതിര്ന്ന കോണ്ഗ്രസ് നേതാവ് കെസി വേണുഗോപാല് പ്രതികരിച്ചു.
അതേസമയം, കോണ്ഗ്രസ് നേതാവ് രാഹുല് ഗാന്ധിക്ക് രണ്ട് വര്ഷം തടവ് ശിക്ഷ വിധിച്ച സൂറത്ത് കോടതി വിധിക്കെതിരെ കോണ്ഗ്രസ് അപ്പീല് നല്കും. നിയമ പോരാട്ടത്തിനായി അഞ്ചംഗ സമിതിയെ ചുമതലപ്പെടുത്തിയതായി എഐസിസി ജനറല് സെക്രട്ടറി കെ സി വേണുഗോപാല് മാധ്യമങ്ങളോട് പറഞ്ഞു.
‘എന്തുകൊണ്ടാണ് എല്ലാ കള്ളന്മാര്ക്കും മോദി എന്ന് പേരിട്ടിരിക്കുന്നത്?’… എന്ന പ്രസ്താവനയുടെ പേരില് നല്കിയ മാനനഷ്ടക്കേസില് കോണ്ഗ്രസ് നേതാവ് രാഹുല് ഗാന്ധി കുറ്റക്കാരനാണെന്ന് കോടതി കണ്ടെത്തിയത്. ഗുജറാത്തിലെ സൂറത്ത് സെഷന്സ് കോടതിയാണ് 2 വര്ഷം ശിക്ഷ വിധിച്ചത്. 2019ല് കര്ണാടകയില് നടന്ന റാലിയിലാണ് രാഹുല് ഈ പ്രസ്താവന നടത്തിയത്.
