കോന്നി : ചെങ്ങറ വ്യൂ പോയിന്റിൽ കോന്നി ഗ്രാമ പഞ്ചായത്ത് സ്ഥാപിച്ച എം.സി.എഫ് മാറ്റി സ്ഥാപിക്കണമെന്നാവശ്യപ്പെട്ട് ചെങ്ങറ സൗഹൃദ വേദിയുടെ നേതൃത്വത്തിൽ പ്രതിഷേധ ധർണ നടത്തി. അട്ടച്ചാക്കൽ കുമ്പളാംപൊയ്ക റോഡിലെ വ്യൂ പോയിന്റിൽ സ്ഥാപിച്ചിരിക്കുന്ന എം.സി.എഫ് ന് സമീപത്തു ദൂരസ്ഥലങ്ങളിൽ നിന്നും വാഹങ്ങളിൽ വരുന്നവർ ദ്രവമാലിന്യങ്ങൾ നിക്ഷേപിക്കാനുള്ള സ്ഥലമാണെന്ന് തെറ്റിദ്ധരിച്ചു മാലിന്യങ്ങൾ നിക്ഷേപിക്കുന്നത് മൂലം പരിസരവാസികൾക്കും സന്ദർശകർക്കും ബുദ്ധിമുട്ടുണ്ടാക്കുന്നു. ചെങ്ങറ കുഞ്ഞുമോൻ ധർണ ഉദ്ഘാടനം ചെയ്തു. എം.ടി.ജേക്കബ് അധ്യക്ഷത വഹിച്ചു. എബ്രഹാം ചെങ്ങറ, എം.ടി.ഈപ്പൻ എന്നിവർ പ്രസംഗിച്ചു.
