കോന്നി : കോന്നി താലൂക്ക് വികസന സമിതിയിൽ തുടർച്ചയായി ജനപ്രതിനിധികളും ഉദ്യോഗസ്ഥരും പങ്കെടുക്കാതിരിക്കുന്ന പ്രവണതയിൽ കോന്നി താലൂക്ക് സമിതിയിൽ അംഗങ്ങൾ ശക്തമായ പ്രതിഷേധം രേഖടുത്തി. സംഭവത്തിൽ പ്രതിഷേധിച്ച് കേരള കോൺഗ്രസ് എം പ്രതിനിധി എബ്രഹാം വാഴയിൽ സഭയിൽ നിന്നും ഇറങ്ങി പോയി. കോന്നി നിയോജക മണ്ഡലത്തിലെ ഗ്രാമ പഞ്ചായത്തുകളിൽ നിന്നും മൂന്ന് പഞ്ചായത്തുകളിലെയും ബ്ലോക്ക് പഞ്ചായത്തിലേയും പ്രസിഡന്റ്മാർ മാത്രമാണ് വികസന സമിതിയിൽ പങ്കെടുത്തത്.
കോന്നി, അരുവാപ്പുലം, മൈലപ്ര പഞ്ചായത്തുകളിലെ പ്രസിഡന്റ്മാർ പങ്കെടുത്തപ്പോൾ മലയാലപ്പുഴ, ചിറ്റാർ, സീതത്തോട്, പ്രമാടം, തണ്ണിത്തോട്, കലഞ്ഞൂർ, ഏനാദിമംഗലം, വള്ളിക്കോട് പഞ്ചായത്തുകളിലെ പ്രസിഡന്റ്മാർ പങ്കെടുത്തില്ല. വിവിധ വകുപ്പുകളുടെ പ്രാധാനിധ്യവും വികസന സമിതിയിൽ കുറഞ്ഞു. പുനലൂർ മൂവാറ്റുപുഴ സംസ്ഥാന പാതയുടെ നിർമ്മാണവുമായി ബന്ധപ്പെട്ട പരാതികൾക്ക് മറുപടി പറയേണ്ട കെ എസ് റ്റി പി പ്രതിനിധി യോഗത്തിൽ പങ്കെടുക്കാതെ വന്നതോടെ ഇത് സംബന്ധിച്ച പരാതികൾ മാറ്റി വെക്കേണ്ടതായി വന്നു. ഈ വിഷയം ജില്ലാ കളക്റ്റർക്ക് റിപ്പോർട്ട് ചെയ്യുവാനും യോഗം തീരുമാനിച്ചു.
