ചെങ്ങന്നൂർ: കെ റെയിൽ വിരുദ്ധ പ്രതിഷേധ യോഗം നടന്നു. കൊഴുവല്ലൂർ യൂണിറ്റിന്റെ ആഭിമുഖ്യത്തിൽ അറന്തക്കാട് ജംഗ്ഷനിൽ സംഘടിപ്പിച്ച പ്രതിഷേധയോഗം എസ് യു സി ഐ കമ്മ്യൂണിസ്റ്റ് ജില്ലാ കമ്മിറ്റിയംഗം കെ. ബിമൽജി ഉദ്ഘാടനം ചെയ്തു. മുളക്കുഴ ഗ്രാമപഞ്ചായത്ത് അംഗം തോമസ് എബ്രഹാം അധ്യക്ഷത വഹിച്ച പ്രതിഷേധയോഗത്തിൽ ശ്രീദേവി സജീവ് സ്വാതന്ത്ര്യദിന പ്രതിജ്ഞ ചൊല്ലിക്കൊടുത്തു. സമരസമിതി ജില്ലാ വൈസ് പ്രസിഡന്റ് എൻ. ആർ. ശ്രീധരൻപിള്ള, ജില്ലാ കൺവീനർ മധു ചെങ്ങന്നൂർ, ഫിലിപ്പ് വർഗീസ്, മൈന ഗോപിനാഥ്, ആരോമൽ, സിന്ധു ജെയിംസ്, ശ്രീരാജ് കൊഴുവല്ലൂർ എന്നിവർ പ്രസംഗിച്ചു. പുന്തല യൂണിറ്റിന്റെ നേതൃത്വത്തിൽ നടന്ന സ്വാതന്ത്ര്യദിന കെറെയിൽ വിരുദ്ധ പ്രതിജ്ഞ യൂണിറ്റ് കൺവീനർ രാജേന്ദ്രൻ ചൊല്ലിക്കൊടുത്തു.
