കൊളംബോ: റെനില് വിക്രമസിംഗെ ആക്ടിങ് പ്രസിഡന്റാകുമെന്ന സൂചനകള്ക്കിടെ ശക്തമായ പ്രതിഷേധം ഉയര്ത്തി പ്രക്ഷോഭകര്. റെനിലിനെ അംഗീകരിക്കില്ലെന്നാണ് ഇവരുടെ നിലപാട്. പ്രധാന ഇടങ്ങളിലെല്ലാം ടെന്റുകള് സ്ഥാപിച്ച് പ്രക്ഷോഭകാരികള് ഇവിടെ തന്നെ തുടരുകയാണ്. സ്പീക്കര് ആക്ടിങ് പ്രസിഡന്റാകണമെന്നാണ് ഇവരുടെ ആവശ്യം. വിക്രമസിംഗെയും രാജിവെക്കണം എന്ന് ഇന്നലെ തന്നെ ഇവര് ആവശ്യപ്പെട്ടിരുന്നു.
ഗോത്തബയ രജപക്സെ ഇന്നലെയാണ് രാജിവെച്ചത്. പടക്കം പൊട്ടിച്ചാണ് പ്രസിഡന്റ് രാജി പ്രക്ഷോഭകാരികള് ആഘോഷിച്ചത്. രാജി പ്രഖ്യാപിക്കാന് തയാറാകാതെയാണ് കഴിഞ്ഞ ദിവസം ഗോത്തബയ രജപക്സെ രാജ്യം വിട്ടത്. ഇതോടെയാണ് വീണ്ടും കലാപം പൊട്ടിപ്പുറപ്പെട്ടത്. ഗോത്തബയ രാജിവയ്ക്കാതെ രാജ്യം വിട്ടെന്ന വാര്ത്ത പരസ്യമായതോടെ കൊളംബോയില് ജനം പ്രധാനമന്ത്രിയുടെ ഓഫീസിലേക്ക് ഇരച്ചു കയറി. അടിയന്തരസാഹചര്യം നേരിടാന് പ്രധാനമന്ത്രി റനില് വിക്രമസിംഗെ രാജ്യത്ത് അടിയന്തിരാവസ്ഥ പ്രഖ്യാപിച്ചിരുന്നു.
