പുതുച്ചേരി: പുതുച്ചേരിയില് ബിജെപി പ്രവര്ത്തകനെ ഏഴ് അംഗ സംഘം വെട്ടിക്കൊന്നു. ഞായറാഴ്ച രാത്രി ബൈക്കിലെത്തിയ ഏഴ് അക്രമികള് പുതുച്ചേരിയില് ബിജെപി പ്രവര്ത്തകന് നേരെ നാടന് ബോംബ് എറിഞ്ഞ ശേഷം വെട്ടിക്കൊല്ലുകയായിരുന്നു. പുതുച്ചേരി ആഭ്യന്തരമന്ത്രി എ നമശ്ശിവായത്തിന്റെ ബന്ധുവും കനുവാപ്പേട്ട സ്വദേശിയായ സെന്തില് കുമാറിനെയാണ് കൊലപ്പെടുത്തിയത്. ഇന്നലെ രാത്രി ഒമ്പതരയോടെയാണ് സംഭവം. മോട്ടോര് സൈക്കിളില് എത്തിയ ഏഴംഗ സംഘം ബേക്കറിയില് സാധനം വാങ്ങുകയായിരുന്ന സെന്തിലിനെ ആക്രമിക്കുകയായിരുന്നു.
പോലീസ് സ്ഥലത്തെത്തി മൃതദേഹം പോസ്റ്റ്മോര്ട്ടത്തിന് അയച്ചു. പ്രദേശത്ത് നിന്ന് സിസിടിവി ദൃശ്യങ്ങളും പോലീസ് കണ്ടെടുത്തിട്ടുണ്ട്. കൊലപാതകത്തില് പോലീസ് അന്വേഷണം ആരംഭിച്ചിട്ടുണ്ട്.