കല്പ്പറ്റ: പുല്പ്പള്ളി സഹകരണ ബാങ്ക് വായ്പ തട്ടിപ്പുക്കേസില് കോണ്ഗ്രസ് മണ്ഡലം പ്രസിഡന്റ് വി.എം പൗലോസ് അറസ്റ്റില്. ഇന്ന് വൈകീട്ടാണ് പൗലോസിന്റെ അറസ്റ്റ് രേഖപ്പെടുത്തിയത്. കേസില് നാലാം പ്രതിയാണ് കോണ്ഗ്രസ് പുല്പ്പള്ളി മണ്ഡലം പ്രസിഡന്റായ പൗലോസ്. തട്ടിപ്പിനിരയായ പുല്പ്പള്ളി സ്വദേശി നല്കിയ പരാതിയിലാണ് അറസ്റ്റ്.
ഇതോടെ കേസില് അറസ്റ്റിലായവര് മൂന്നായി. മുന് ബാങ്ക് പ്രസിഡന്റും കെപിസിസി ജനറല് സെക്രട്ടറിയുമായ കെ കെ എബ്രഹാം, മുന് ബാങ്ക് സെക്രട്ടറി രമാദേവി എന്നിവരെയാണ് നേരത്തെ അറസ്റ്റ് ചെയ്തത്. ഇവരുടെ തട്ടിപ്പിനിരയായ കര്ഷകനായ പുല്പ്പള്ളി ചെമ്പകമൂല രാജേന്ദ്രന് മെയ് 30ന് ആത്മഹത്യ ചെയ്തിരുന്നു. തുടര്ന്നായിരുന്നു അറസ്റ്റ്.
കേസില് സഹകരണ വകുപ്പിന്റെ പ്രത്യേക അന്വേഷണസംഘത്തിന്റെ പരിശോധനകള് തുടരുകയാണ്. ബാങ്കില് എട്ടരക്കോടിയുടെ വായ്പ തട്ടിപ്പ് നടന്നതായാണ് കണ്ടെത്തല്. ബാങ്കിലെ വായ്പാ ക്രമക്കേട് സംബന്ധിച്ച് നിരവധി പരാതികള് ഉയരുകയും എടുക്കാത്ത വായ്പയിന്മേല് നോട്ടീസ് ലഭിച്ചതിനെ തുടര്ന്ന് കര്ഷകന് ആത്മഹത്യ ചെയ്ത സംഭവത്തെ തുടര്ന്നാണ് പ്രത്യേക അന്വേഷണ സംഘത്തെ നിയോഗിക്കുവാന് തീരുമാനിച്ചതെന്ന് മന്ത്രി വാസവന് പറഞ്ഞിരുന്നു.
സഹകരണസംഘം രജിസ്ട്രാര് ഓഫീസിലെ ഡെപ്യൂട്ടി രജിസ്ട്രാര് ടി. അയ്യപ്പന് നായരാണ് അന്വേഷണ ഉദ്യോഗസ്ഥന്. അസിസ്റ്റന്റ് രജിസ്ട്രാര് അരുണ്. വി.സജികുമാര്, രാജാറാം. ആര്, ജ്യോതിഷ് കുമാര്.പി, ബബീഷ്.എം എന്നിവരാണ് അന്വേഷണസംഘത്തില് ഉള്ളത്. ബാങ്കിലെ വായ്പാ ക്രമക്കേടുകള്, ബാങ്കിന്റെ ആസ്തി ബാധ്യതകള്, സഹകരണ നിയമം, ചട്ടം, നിയമാവലി വ്യവസ്ഥകള്ക്കും രജിസ്ട്രാറുടെ നിര്ദ്ദേശങ്ങള്ക്കും വിരുദ്ധമായി ബാങ്കിന്റെ പൊതുഫണ്ട് ചെലവഴിച്ചിട്ടുണ്ടോ എന്നീ വിഷയങ്ങളിലാണ് അന്വേഷണത്തിന് ഉത്തരവിട്ടിരിക്കുന്നത്.
>പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
