തിരുവനന്തപുരം: സംസ്ഥാനത്തെ 5 വയസ്സിനു താഴെയുള്ള 24,49,222 കുട്ടികള്ക്ക് ഇന്നു രാവിലെ 8 മുതല് വൈകിട്ട് 5 വരെ പള്സ് പോളിയോ പ്രതിരോധ തുള്ളിമരുന്ന് നല്കും. കോവിഡ് ഹോം ക്വാറന്റീനില് കഴിയുന്നവരുടെ വീടുകളിലെ കുട്ടികള്ക്ക് നിരീക്ഷണ കാലാവധി അവസാനിച്ച ശേഷം തുള്ളിമരുന്ന് നല്കും. കോവിഡ് പോസിറ്റീവായവരുള്ള വീട്ടിലെ കുട്ടിക്കു പരിശോധനാഫലം നെഗറ്റീവായി 14 ദിവസം കഴിഞ്ഞു നല്കാം.
