ന്യൂഡല്ഹി : ജമ്മു കാശ്മീരിലെ പുല്വാമയില് തൊഴിലാളികള്ക്ക് നേരെ ഭീകരാക്രമണം നടന്നതായി റിപ്പോര്ട്ടുകള്. ഗ്രനേഡ് ഉപയോഗിച്ച് നടത്തിയ ആക്രമണത്തില് ഒരാള് കൊല്ലപ്പെട്ടതായാണ് റിപ്പോര്ട്ട്. ബീഹാറില് നിന്നുള്ള തൊഴിലാളിയാണ് മരിച്ചതെന്നാണ് പുറത്തുവരുന്ന നവിവരം. രണ്ടു പേര്ക്ക് പരിക്കേറ്റിട്ടുണ്ട്. പ്രദേശത്ത് സുരക്ഷ ശക്തമാക്കിയതായി ജമ്മു കാശ്മീര് പോലീസ് വ്യക്തമാക്കി.
കഴിഞ്ഞ മാസം പുല്വാമയില് ഭീകരാക്രണത്തില് ഒരു സൈനികന് വീരമൃത്യു വരിച്ചിരുന്നു. സി.ആര്.പി.എഫ് എ.എസ്.എ വിനോദ് കുമാര് ആണ് ഭീകരരുടെ വെടിയേറ്റ് വീരമൃത്യു വരിച്ചത്. പോലീസിും സി.ആര്.പി.എഫിനും നേരെ ഭീകരര് വെടിയുതിര്ക്കുകയായിരുന്നു. ഗുരുതരമായി പരിക്കേറ്റ വിനോദ്കുമാര് ചികിത്സയിലിരിക്കെയാണ് മരിച്ചത്.