പത്തനംതിട്ട : പുനലൂർ-മൂവാറ്റുപുഴ റോഡിൽ മണ്ണാറക്കുളഞ്ഞിയിലെ അപകട മേഖലകളായ ആശുപത്രിവളവിലും രണ്ടാംകലുങ്കിലും സുരക്ഷാക്രമീകരണങ്ങൾ ഏർപ്പെടുത്തും. കെ.യു. ജനീഷ് കുമാർ എം.എൽ.എ.യുടെ അധ്യക്ഷതയിൽ പുനലൂർ-മൂവാറ്റുപുഴ റോഡ് നിർമാണത്തിന്റെ പുരോഗതി വിലയിരുത്താൻ ചേർന്ന യോഗത്തിന്റെതാണ് തീരുമാനം. ഇതുമായി ബന്ധപ്പെട്ട റിപ്പോർട്ട് രണ്ട് ദിവസത്തിനകം തയ്യാറാക്കാൻ മോട്ടോർ വഹനവകുപ്പിനെ കെ.എസ്.ടി.പി. പ്രോജക്ട് ഡയറക്ടർ ചുമതലപ്പെടുത്തി.
