മഹാരാഷ്ട്ര: കൊവിഡ് കേസുകള് ഉയരുന്ന പശ്ചാത്തലത്തില് പൂനെയില് നിരോധനാജ്ഞ പ്രഖ്യാപിച്ച് ഭരണകൂടം. രാത്രി 11 മണിമുതല് പുലര്ച്ചെ ആറു മണിവരെയാണ് നിരോധനാജ്ഞ. ജില്ലയിലെ കൊവിഡ് ബാധിതരുടെ എണ്ണം നാലേകാല് ലക്ഷം കടന്ന പശ്ചാത്തലത്തിലാണ് നടപടി.
മാര്ച്ച് 31 വരെ സ്കൂളുകളിലും കോളേജുകളിലും ക്ലാസുകള് ഉണ്ടായിരിക്കുന്നതല്ല. രാത്രി പത്തു മണിമുതല് രാവിലെ ആറു മണിവരെ ബാര്, ഹോട്ടല്, മാളുകള്, തീയറ്ററുകള് എന്നിവ തുറന്ന് പ്രവര്ത്തിക്കില്ല. വൈകുന്നേരങ്ങളില് പൂന്തോട്ടങ്ങളും അടയ്ക്കുന്നതായിരിക്കും.
രാജ്യത്ത് ഏറ്റവും കൂടുതല് കൊവിഡ് കേസുകള് റിപ്പോര്ട്ട് ചെയ്തിട്ടുളളത് മഹാരാഷ്ട്രയിലാണ്. സംസ്ഥാനത്തെ മൊത്തം കൊവിഡ് കേസുകളില് 19 ശതമാനം കേസുകളും പൂനെയിലാണുളളത്. പുതിയ കേസുകളില് പകുതിയിലധികവും പൂനെ കോപ്പറേഷനിലാണ് റിപ്പോര്ട്ട് ചെയ്തിട്ടുളളത്.
നാഗ്പുര്, പൂനെ, താനെ, മുംബയ്, ബംഗളൂരു, എറണാകുളം, അമരാവതി, ജല്ഗാവ്, നാസിക്, ഔറന്ഗാബാദ് ജില്ലകളിലാണ് രാജ്യത്ത് ഏറ്റവും കൂടുതല് കൊവിഡ് ആക്ടീവ് കേസുകള് ഉളളതെന്ന് കേന്ദ്ര ആരോഗ്യ സെക്രട്ടറി രാജേഷ് ഭൂഷണ് വ്യക്തമാക്കിയിരുന്നു.