കോഴഞ്ചേരി : പുന്നയ്ക്കാട് സിഎസ്ഐ കോളേജ് സൈക്കോളജി വിഭാഗം മാറിവരുന്ന കാലഘട്ടത്തിൽ മാനസിക ആരോഗ്യത്തിന്റെ പ്രാധാന്യത്തെ ആസ്പദമാക്കി സെമിനാർ നടത്തി. പ്രമുഖ കൗൺസലറും ഇപ്കായ് ഡയറക്ടറും മൂലമറ്റം സെയ്ൻറ് ജോസഫ് കോളേജ് സോഷ്യൽ വർക്ക് വിഭാഗം മേധാവിയുമായ ഡോ. മാത്യു കണമല മുഖ്യപ്രഭാഷണം നടത്തി. കോട്ടയം ഗ്രേസ്കെയർ ജീറിയാട്രിക് സെന്റർ ഡയറക്ടർ റീന ജെയിംസ് കോളേജിന്റെ സൈക്കോളജി വിഭാഗം ആരംഭിക്കുന്ന മാനസികാരോഗ്യ പരിപാടിയായ മാനസമിത്രം ഉദ്ഘാടനം ചെയ്തു.
കോളേജ് പ്രിൻസിപ്പൽ ഡോ. ഷീനാ ഈപ്പൻ അധ്യക്ഷത വഹിച്ചു. കോളേജ് ബർസാർ റവ.വർക്കി തോമസ്, സൈക്കോളജി വിഭാഗം മേധാവി സഫന സുധീർ, സാൻഡ്ര അന്ന സാമുവൽ, ഡോ. ഡാർലി മാത്യു, ഡോ. റിനോയ് ബാബു, ആർ. ആദിത്യൻ, ഏലിയാമ്മ സാമുവൽ, കല്യാണി വിജയൻ, ബെൻ ചെറിയാൻ തുടങ്ങിയവർ പ്രസംഗിച്ചു.
