തിരുവല്ല : കേരള ആരോഗ്യ ശാസ്ത്ര സർവകലാശാലയുടെ നിർദ്ദേശാനുസരണം തിരുവല്ലാ പുഷ്പഗിരി കോളേജ് ഓഫ് ഫാർമസി വിദ്യാർത്ഥികൾക്ക് ഓൺലൈൻ ക്ലാസ്സ് സൗകര്യം ആരംഭിച്ചു. പ്രിൻസിപ്പൽ പ്രഫ. ഡോ. സന്തോഷ് എം. മാത്യൂസ് ഓൺലൈൻ ക്ലാസ്സ് ഉദ്ഘാടനം ചെയ്തു.
പുഷ്പഗിരി മെഡിസിറ്റി ഐടി വിഭാഗത്തിന്റെ നേതൃത്വത്തിൽ പുഷ്പഗിരി കോളേജ് ഓഫ് ഫാർമസിക്കുവേണ്ടി ബംഗളുരു ആസ്ഥാനമായി പ്രവർത്തിക്കുന്ന വിർച്യു ലൈവ് എന്ന കമ്പനിയാണ് സോഫ്റ്റ്വെയർ രൂപകല്പന ചെയ്തത്. എല്ലാ വിദ്യാർത്ഥികൾക്കും ലൈവ് ക്ലാസ്സിൽ പങ്കെടുക്കാനും അധ്യാപകരുമായി സംവദിക്കാനും ഓണലൈൻ നോട്ടുകൾ, ഓൺലൈൻ അസൈൻമെന്റുകൾ, ക്ലാസ്സുകള്ക്ക് ശേഷം ഓണ്ലൈനായി പരീക്ഷ നടത്തുന്നതിനുള്ള സൗകര്യം എന്നിവ ഈ സോഫ്റ്റ്വെയറില് ഉണ്ട്.
