പത്തനംതിട്ട:ഭക്തിസാന്ദ്രമായി ഓതറ പുതുക്കുളങ്ങര ദേവീക്ഷേത്രത്തിൽ വിനായകചതുർത്ഥി ആഘോഷങ്ങൾ സമാപിച്ചു.ഓതറ പുതുക്കുളങ്ങര ദേവി ക്ഷേത്രത്തിലെ ഈ വർഷത്തെ വിനായകചതുർഥി ആഘോഷങ്ങളോടനുബന്ധിച്ച് 108 നാളികേരം ഉപയോഗിച്ചുള്ള അഷ്ടദ്രവ്യ ശ്രീമഹാഗണപതി ഹോമവും
പ്രത്യക്ഷ ഗണപതി പൂജയും ആനയൂട്ടും നടന്നു. 2022 ആഗസ്റ്റ് മാസം 31-)o തിയതി ബുധനാഴച വിനായക ചതുർത്ഥി ദിനത്തിൽ രാവിലെ ക്ഷേത്ര സന്നിധിയിൽ നടന്ന ചടങ്ങുകൾക്ക് പാതിരുവേലിൽ ഇല്ലത്ത് ബ്രഹ്മശ്രീ ഡോ. വിശ്വനാഥൻ നമ്പൂതിരി മുഖ്യ കാർമ്മികത്വം വഹിച്ചു.ഗജപൂജയിലും ആനയൂട്ടിലും ഓതറ പുതുക്കുളങ്ങര ശ്രീപാർവതി പങ്കെടുത്തു.
