മല്ലപ്പള്ളി : ഓക്സിജൻ, വാക്സിൻ ക്ഷാമം അടക്കം മഹാമാരി പ്രതിരോധത്തിലുണ്ടായ വീഴ്ചയെക്കാൾ വലിയ പ്രതിസന്ധിയെയാണ് കർഷക സമരത്തോടുള്ള നിസ്സംഗത കാരണം ക്ഷണിച്ചുവരുത്തുന്നതെന്ന് കേരള കോൺഗ്രസ് വൈസ് ചെയർമാൻ ജോസഫ് എം. പുതുശ്ശേരി. ഭക്ഷ്യക്ഷാമം അടക്കമുള്ള വലിയ വിപത്തുകൾ ആയിരിക്കും ഇതിന്റെ അനന്തരഫലം എന്നും സമരം തീർക്കാൻ സർക്കാർ അടിയന്തിരമായി ഇടപെടണമെന്നും പുതുശ്ശേരി പറഞ്ഞു.
ഡൽഹി അതിർത്തിയിൽ നടക്കുന്ന കർഷക സമരം ആറുമാസം പൂർത്തീകരിക്കുന്ന ഇന്ന് നടത്തുന്ന കരിദിനാചരണത്തോട് ഐക്യദാർഢ്യം പ്രഖ്യാപിച്ച് ഹബേൽ ഫൗണ്ടേഷന്റെ ആഭിമുഖ്യത്തിൽ നടത്തിയ പരിപാടി ഉദ്ഘാടനം ചെയ്യുകയായിരുന്നു അദ്ദേഹം. ഹബേൽ ഫൗണ്ടേഷൻ ചെയർമാൻ ഡോ. സാമുവൽ നെല്ലിക്കാട് അധ്യക്ഷത വഹിച്ചു. എ.ഡി. ജോൺ, റോയ് വർഗീസ്, എം.ടി. കുട്ടപ്പൻ, പി. രാജേന്ദ്രൻ, കെ. കെ.അനിൽ, റെജി ജോൺ, പി. മോളിക്കുട്ടി, സച്ചു സാബു എന്നിവർ പ്രസംഗിച്ചു.
