മോസ്‌കോ: റഷ്യന്‍ പ്രസിഡന്റ് വ്ളാദിമര്‍ പുടിന് നേരെ യുക്രൈന്‍ നടത്തിയ വധശ്രമം തകര്‍ത്തെന്ന് റഷ്യ. ചൊവ്വാഴ്ച രാത്രിയോടെയാണ് ക്രെംലിനിടെ പുടിന്റെ ഔദ്യോഗിക വസതിക്ക് നേരെ ഡ്രോണ്‍ ആക്രമണം നടത്താനുള്ള ശ്രമം പരാജയപ്പെടുത്തിയെന്ന് അദ്ദേഹത്തിന്റെ ഓഫീസ് അറിയിച്ചു. ഇലക്ട്രോണിക് ഉപകരണങ്ങള്‍ ഉപയോഗിച്ചാണ് ആക്രമണം നടത്തിയതെന്നും ഇതിന് പിന്നില്‍ യുക്രൈനാണെന്നുമാണ് റഷ്യ ആരോപിക്കുന്നത്. രണ്ട് ഡ്രോണുകളും തകര്‍ത്തെന്നും പ്രസിഡന്റ് സുരക്ഷിതനാണെന്നും റഷ്യ അറിയിച്ചു.
ഔദ്യോഗിക വസതിക്കും കേടുപാടുകളൊന്നും ഉണ്ടായിട്ടില്ല. ആക്രമണം നടക്കുമ്പോള്‍ പുടിന് ക്രെംലിനിലെ വസതിയില്‍ ഉണ്ടായിരുന്നില്ലെന്ന് അദ്ദേഹത്തിന്റെ വക്താവ് ദിമിത്ര പെസ്‌കോവ് പറഞ്ഞു. പ്രസിഡന്റ് ഇപ്പോള്‍ മോസ്‌കോ മേഖലയിലെ നോവോ-ഒഗാല്‍യോവോയിലെ പ്രസിഡന്റിന്റെ കൊട്ടാരത്തിലാണെന്നും പെസ്‌കോവ് പറഞ്ഞു.ക്രെംലിനില്‍ കഴിഞ്ഞ രാത്രി നടന്ന ഡ്രോണ്‍ ആക്രമണം യുദ്ധം ചെയ്യുന്ന രാജ്യങ്ങള്‍ തമ്മിലുള്ള സംഘര്‍ഷം വര്‍ദ്ധിപ്പിച്ചു. ഉക്രേനിയന്‍ പ്രസിഡന്റ് വോളോദിമര്‍ സെലന്‍സ്‌കിയുടെ കൊട്ടാരത്തിന് നേരെ ആക്രമണം നടത്താന്‍ റഷ്യന്‍ പാര്‍ലമെന്റ് ഇപ്പോള്‍ ആഹ്വാനം ചെയ്തിട്ടുണ്ട്.
