മലപ്പുറം : സാമൂഹിക ഇടപെടലുകളും ജനപക്ഷത്തുനിന്നുള്ള പ്രവര്ത്തനങ്ങളും ഇസ്ലാമിന്റെ ഭാഗമാണെന്നും ദേശീയതലത്തിലും കേരളത്തിലും ഇസ്ലാം മത ദര്ശനങ്ങളെ ജനമനസ്സുകളില് വികലമാക്കി ചിത്രീകരിക്കാന് ശ്രമം നടക്കുന്നുവെന്നും ജമാഅത്തെ ഇസ്ലാമി വനിതവിഭാഗം സംസ്ഥാന പ്രസിഡന്റ് പി.വി റഹ്മാബി അഭിപ്രായപ്പെട്ടു. ‘ഇസ്ലാം ആശയ സംവാദത്തിന്റെ സൗഹൃദ നാളുകള്’ കാമ്ബപയിനിന്റെ ഭാഗമായി ജമാഅത്തെ ഇസ്ലാമി വനിത വിഭാഗം മലപ്പുറം ജില്ല കമ്മിറ്റി മുനിസിപ്പല് ഹാളില് സംഘടിപ്പിച്ച ചര്ച്ച സംഗമം ഉദ്ഘാടനം ചെയ്യുകയായിരുന്നു അവര്. ഇസ്ലാമിന്റെ ദര്ശനങ്ങള് യഥാര്ഥ രൂപത്തില് മനസ്സിലാക്കിയ ഒരു മനുഷ്യനും ഭീകരനാവാന് സാധിക്കുകയില്ലെന്നും അവര് പറഞ്ഞു.
ജമാഅത്തെ ഇസ്ലാമി വനിത വിഭാഗം ജില്ല പ്രസിഡന്റ് പി. ഫാത്വിമ ടീച്ചര് അധ്യക്ഷത വഹിച്ചു. ജി.ഐ.ഒ ജില്ല പ്രസിഡന്റ് ഷിഫാന ബിന്ത് സുബൈര്, ഫ്രറ്റേണിറ്റി സംസ്ഥാന സമിതി അംഗം ഷമീമ സക്കീര്, ജമാഅത്തെ ഇസ്ലാമി വനിത വിഭാഗം ജില്ല വൈസ് പ്രസിഡന്റ് കെ.എ സാഹിറ ടീച്ചര്, സംസ്ഥാന സമിതി അംഗം ടി.കെ ജമീല, ജില്ല വൈസ് പ്രസിഡന്റ് ജമീല വാഴക്കാട്, കേന്ദ്ര ശൂറ അംഗം കെ.കെ സുഹ്റ എന്നിവര് സംസാരിച്ചു. ജമാഅത്തെ ഇസ്ലാമി വനിത വിഭാഗം ജില്ല ജനറല് സെക്രട്ടറി മുഹ്സിന ജഹാന് സ്വാഗതവും ജോയന്റ് സെക്രട്ടറി പി.യു ഫഹ്മിദ നന്ദിയും പറഞ്ഞു.
