കൊല്ലം : കൊല്ലം സ്വദേശിനി ഖത്തറില് വാഹനാപകടത്തില് മരിച്ചു. സന്ദര്ശക വിസയില് ദോഹയിലെത്തിയ കൊല്ലം നെടുവത്തൂര് സ്വദേശി ചിപ്പി വര്ഗീസ് (25) ആണ് അപകടത്തില് മരണപ്പെട്ടത്. ഇന്നലെ രാത്രി 8 മണിയോടെ വുകൈര് ഭാഗത്ത് വെച്ചാണ് അപകടം ഉണ്ടായത്. ഭര്ത്താവ് ജെറിന് ജോണ്സണും കുഞ്ഞിനോടുമൊപ്പം കാറില് യാത്ര ചെയ്യുന്ന സമയത്താണ് അപകടമുണ്ടായത്. അമ്പലത്തുംകല പോസ്റ്റ് സിവി വില്ലയില് വര്ഗീസ്, ഷൈനി ദമ്പതികളുടെ മകളാണ് ചിപ്പി.
