പത്തനംതിട്ട : ഹിജാബ് നിരോധിച്ചുകൊണ്ടുളള കര്ണാടക ഹൈക്കോടതി വിധി ആശങ്കാജനകവും വിശ്വാസ പ്രമാണങ്ങളുടെ മേലുള്ള കടന്നു കയറ്റവുമാണെന്ന് കേരള മുസ്ലീം ജമാഅത്ത് കൗണ്സില് സംസ്ഥാന പ്രസിഡന്റ് അഡ്വ.എം.താജുദീനും ജനറല് സെക്രട്ടറി എം.എച്ച് ഷാജി പത്തനംതിട്ടയില് പറഞ്ഞു. ഹിജാബ് മുസ്ലീം പെണ്കുട്ടികളുടെ അവകാശമാണ്. കന്യാസ്ത്രീകളുടെ ശിരോവസ്ത്രവും സിക്കുകാരുടെ തലപ്പാവും ഇന്ത്യന് ഭരണഘടനയുടെ ഇരുപത്തിയഞ്ചാം വകുപ്പ് അനുവദിച്ചുതന്നിട്ടുളള അവകാശമാണ്. അത് മുസ്ലീങ്ങള്ക്ക് മാത്രം അനുവദിക്കുകയില്ലായെന്നു പറയുന്നത് പക്ഷപാതമാണ്. അപ്പീല് പോകുന്നവരോടൊപ്പം കേരള മുസ്ലീം ജമാഅത്ത് കൗണ്സിലുമുണ്ടാകുമെന്ന് ഇവര് പറഞ്ഞു.
