കോഴിക്കോട് : ഖാസി സയ്യിദ് മുഹമ്മദ് കോയ ജമലുല്ലൈലി തങ്ങള്ക്കെതിരേ പീഡനപരാതി. കണ്ണൂര് സ്വദേശിനി കോഴിക്കോട് വനിതാസ്റ്റേഷനില് നല്കിയ പരാതിയിലാണ് കേസെടുത്തത്. രണ്ടാം ഭര്ത്താവുമായുള്ള കുടുംബപ്രശ്നം പരിഹരിക്കാമെന്ന് വാഗ്ദാനം നല്കി രണ്ടുവര്ഷത്തിനിടയില് പലതവണയായി പീഡിപ്പിച്ചെന്നാണ് യുവതിയുടെ പരാതി. ഐ.പി.സി. 376-ാം വകുപ്പ് പ്രകാരം കേസെടുത്തു.
പരപ്പനങ്ങാടി ആനങ്ങാടിയിലെ ഖാസിയുടെ വീടിനുമുന്നിലെ സന്ദര്ശകര്ക്കുള്ള ഷെഡില്വെച്ചാണ് പീഡിപ്പിച്ചതെന്നാണ് യുവതി പോലീസില് മൊഴി നല്കിയത്. ഖാസിയുടെ ഡ്രൈവര് പ്രേരിപ്പിച്ചെന്ന യുവതിയുടെ പരാതിയില് ഇയാള്ക്കെതിരേയും കേസെടുത്തു. ഖാസി സയ്യിദ് മുഹമ്മദ് കോയ തങ്ങള്ക്കെതിരേ ഉയര്ന്ന ആരോപണം അടിസ്ഥാന രഹിതവും കെട്ടിച്ചമച്ചതാണെന്നും കോഴിക്കോട് ഖാസി ഓഫീസ് അറിയിച്ചു.
