തുര്ക്കി: വടക്കന് തുര്ക്കിയിലെ കല്ക്കരി ഖനിയിലുണ്ടായ സ്ഫോടനത്തില് 14 തൊഴിലാളികള് കൊല്ലപ്പെട്ടു. 28 പേര്ക്ക് പരുക്കുണ്ട്. തുര്ക്കി ആഭ്യന്തര മന്ത്രി സുലെയ്മാന് സൊയ്ലുവാണ് ഇക്കാര്യം സ്ഥിരീകരിച്ചത്. ബാര്ടിന് പ്രവിശ്യയിലെ അമസ്രയില് സര്ക്കാര് ഉടമസ്ഥതയില് പ്രവര്ത്തിക്കുന്ന ഖനിയിലാണ് അപകടമുണ്ടായത്.
87 തൊഴിലാളികള് അപകടസമയത്ത് ഖനിയില് ഉണ്ടായിരുന്നെന്നാണ് റിപ്പോര്ട്ട്. 45 തൊഴിലാളികള് ഖനിയില് കുടുങ്ങി കിടക്കുന്നതായാണ് വിവരം. ഇതിനുമുന്പ് പടിഞ്ഞാറന് തുര്ക്കിയിലെ സോമ നഗരത്തിലെ കല്ക്കരി ഖനിയില് 2014ലുണ്ടായ അഗ്നിബാധയില് 301 പേര് കൊല്ലപ്പെട്ടിരുന്നു.
