കോഴിക്കോട്: ക്വാറന്റെെനില് കഴിയുന്ന യുവാവിന്റെ വീടിനു നേരെ അയല്വാസിയുടെ ആക്രമണം. കോഴിക്കോട് വടകര പാലോളി പാലത്താണ് സംഭവം. മേമുണ്ട സ്വദേശി ബബീഷ് താമസിച്ച വീടിനു നേരെയായിരുന്നു ആക്രമണം. ആക്രമണത്തില് വീടിന്റെ വാതിലും ജനല്ചില്ലുകളും തകര്ന്ന നിലയിലാണ്. അക്രമം നടത്തിയ അയല്വാസിക്കെതിരെ പോലീസ് കേസെടുത്തു. ജില്ലയില് നേരത്തെയും സമാന സംഭവങ്ങള് ഉണ്ടായിട്ടുണ്ട്.
നേരത്തെ മലപ്പുറം ജില്ലയില് പ്രവാസി യുവാവിനെ വീട്ടില് കയറ്റാതെ ബന്ധുക്കള് കാണിച്ച ക്രൂരത വാര്ത്തയായിരുന്നു. കോവിഡ് പേടിയെ തുടര്ന്നാണ് പ്രവാസി യുവാവിനെ വീട്ടില് കയറ്റാന് കുടുംബാംഗങ്ങള് വിസമ്മതിച്ചത്. വീട്ടില് കയറാന് സാധിക്കാതെ വന്ന യുവാവിനെ പിന്നീട് ആരോഗ്യപ്രവര്ത്തകരെത്തി ക്വാറന്റെെന് കേന്ദ്രത്തിലാക്കുകയായിരുന്നു. യുവാവ് വീടിനു മുന്നില് മണിക്കൂറുകള് കാത്തിരിക്കേണ്ടിവന്നിരുന്നു.
പ്രവാസികളോടും ക്വാറന്റെെനില് കഴിയുന്നവരോടും മോശമായി പെരുമാറുന്നത് അനുവദിക്കാന് സാധിക്കില്ലെന്നും അത്തരക്കാര്ക്കെതിരെ നിയമനടപടി സ്വീകരിക്കുമെന്നും മുഖ്യമന്ത്രിയടക്കം നേരത്തെ മുന്നറിയിപ്പ് നല്കിയിട്ടുണ്ട്.
