പത്തനംതിട്ട : ഹരിതകേരളം മിഷന് ദേശീയ പരിസ്ഥിതി സമ്മേളനത്തിന്റെ മുന്നോടിയായി ഹരിതകര്മ്മസേനാംഗങ്ങള്ക്ക് പ്രശ്നോത്തരി മത്സരവും ഹൈസ്ക്കൂള്, ഹയര് സെക്കന്ഡറി, കോളജ് വിദ്യാര്ഥികള്ക്കായി ഉപന്യാസ മത്സരവും സംഘടിപ്പിക്കുന്നു. നാളെ (ഫെബ്രുവരി അഞ്ച്) രാവിലെ 9.30 ന് പത്തനംതിട്ട മാര്ത്തോമ ഹയര് സെക്കന്ഡറി സ്കൂളിലാണ് മത്സരം. തദ്ദേശസ്ഥാപനങ്ങളിലെ രണ്ട് ഹരിതകര്മ്മസേന അംഗങ്ങള്ക്ക് മത്സരത്തില് പങ്കെടുക്കാം.
ഉപന്യാസ മത്സരത്തില് പങ്കെടുക്കുന്ന വിദ്യാര്ഥികള് സ്കൂള്/ കോളജ് തിരിച്ചറിയല് കാര്ഡ് കൈവശം കരുതണം. ഉപജില്ലാതല ക്വിസ് മത്സരത്തില് വിജയികളായ ഒന്നും രണ്ടും സ്ഥാനക്കാര്ക്ക് ഫെബ്രുവരി അഞ്ചിന് നടക്കുന്ന ജില്ലാതല മത്സരത്തില് പങ്കെടുക്കാം. ജില്ലാതല ക്വിസ് മത്സരത്തിലും ഹരിതകര്മ്മസേന ക്വിസ് മത്സരത്തിലും വിജയികളാകുന്ന ഒന്നും രണ്ടും സ്ഥാനക്കാര്ക്ക് ഫെബ്രുവരിയില് തിരുവനന്തപുരത്ത് നടക്കുന്ന ദേശീയ പരിസ്ഥിതി സമ്മിറ്റില് പ്രത്യേക ക്ഷണിതാവായി പങ്കെടുക്കാം. ഫോണ് : 9645607918, 9400242712.
