തിരുവനന്തപുരം: പോത്തന്കോട് മീനാറയില് പ്രവാസിയായ യുവാവിനെ വീടുകയറി ആക്രമിച്ച സംഭവത്തിന് പിന്നില് ക്വട്ടേഷന് സംഘമെന്ന് സ്ഥിരീകരിച്ച് പോലീസ്. ഷഹനാസിനെ ആക്രമിക്കാന് ക്വട്ടേഷന് നല്കിയത് ഗള്ഫില് നിന്നാണെന്ന് പ്രതി സജാദ് മൊഴി നല്കി. പിടിയിലായ സജാദിനും രഞ്ജിത്തിനും എതിരെ വധശ്രമകുറ്റം ചുമത്തി പോലീസ് കേസെടുത്തു. അക്രമികളെ അറിയില്ലെന്ന ഷഹനാസിന്റെ മൊഴിയില്നിന്ന് തന്നെ ക്വട്ടേഷന് ആണോ എന്ന സംശയം പൊലീസിന് ഉണ്ടായിരുന്നു. തുടര്ന്ന് വിശദമായ ചോദ്യം ചെയ്യലില് ഗള്ഫില് നിന്നുള്ള ക്വട്ടേഷന് ഏറ്റെടുത്തതാണെന്ന് പ്രതികള് സമ്മതിച്ചു. കൊല്ലം സ്വദേശി അന്വര് പിടിയിലായ സജാദിന് ക്വട്ടേഷന് നല്കുകയായിരുന്നു.
മീനാറ സ്വദേശി ഷഹനാസിനാണ് മര്ദ്ദനമേറ്റത്. രണ്ടു ബൈക്കുകളില് എത്തിയ അഞ്ചംഗ സംഘമാണ് ഷഹനാസിനെ വീട്ടില് കയറി ആക്രമിച്ചത്. വൈകിട്ട് നാല് മണിയോടുകൂടിയാണ് ആക്രമണം. സ്ത്രീകളുടെയും കുട്ടികളുടെയും മുന്നില്വച്ചായിരുന്നു ക്രൂര മര്ദ്ദനം. ആക്രമണത്തില് ഷഹനാസിന്റെ കാലിന് ഗുരുതരമായി പരിക്കേറ്റിരുന്നു.
