കൊച്ചി : കുര്ബാന ഏകീകരണം നാളെ മുതല് നടപ്പിലാക്കില്ല ജനാഭിമുഖ കുര്ബനയക്ക് മാര്പാപ്പയുടെ അനുമതി നാളെ മുതല് നടപ്പിലാക്കാന് തീരുമാനിച്ച ഏകീകൃത കുര്ബാനക്രമം എറണാകുളം അങ്കമാലി അതിരൂപതയില് നടപ്പാക്കില്ല. ജനാഭിമുഖ കുര്ബാന തുടരാന് മാര്പ്പാപ്പ അനുമതി നല്കി. മെത്രാപ്പൊലീത്തന് വികാരി മാര് ആന്റണി കരിയില് വത്തിക്കാനില് മാര്പ്പാപ്പയുമായി നടത്തിയ കൂടിക്കാഴ്ചയ്ക്ക് ശേഷം സര്ക്കുലര് പുറത്തിറക്കി. രൂപതാധ്യക്ഷന്മാരുടെ പ്രത്യേക അധികാരം വത്തിക്കാന് പിന്വലിച്ചിട്ടില്ലെന്നും മാര് കരിയില്. പരിഷ്കരിച്ച പുസ്തക പ്രകാരമായിരിക്കും നാളെ മുതല് കുര്ബാന.
എറണാകുളം അങ്കമാലി അതിരൂപതയില് ജനാഭമുഖ കുര്ബാന തുടരാന് തീരുമാനമായതോടെ മറ്റു രൂപതകളിലും ഇതേ ആവശ്യമുയരും. ഇരിങ്ങാലക്കുട, തൃശൂര് രൂപതകളിലെ വൈദികര് രാവിലെ ബിഷപ്പുമാരെ കണ്ട് ജനാഭിമുഖ കുര്ബാന തന്നെ തുടരണമെന്ന് ആവശ്യപ്പെടും. സിനഡ് തീരുമാനമായ അള്ത്താര അഭിമുഖ കുര്ബാന നടപ്പാക്കുമെന്നാണ് തൃശൂര് അതിരൂപതയുടെ നിലപാട്.
